नेपाल पुनर्बीमा कम्पनीको आईपिओ बाँडफाँड सम्पन्न, तीन लाख ९० हजारले मात्रै पाए शेयर

काठमाडौं । नेपाल पुनर्बीमा कम्पनीले आईपिओ बाँडफाँड सम्पन्न भएको छ । नेपालको पुँजि बजारको इतिहासमा पहिलो पटक एक अर्ब ६० करोडको आईपिओ निष्काशन गरेको पुनर्बीमाको आईपिओ आज विहान बाँडफाँड सम्पन्न भएको हो । तीन लाख ९० हजार ६३८ जनाले आवेदकले शेयर पाएका छन् ।

सिंगो देश लकडाउनका बीच पुनर्बीमा कम्पनीले जारी गरेको आईपिओको बिक्री प्रबन्धक आरबीबी मर्चेन्ट बैंकिङले टेकुस्थित केन्द्रीय कार्यालयमा शेयर बाँडफाँड गरेको हो । न्यूनतम ४० कित्ता वा सो भन्दा कम भरेका सबैले शेयर पाएका छन् । ५० कित्ता भन्दा बढि भरेकाहरु मध्ये ७७ हजार २४५ जनाले थप १० कित्ता सहित ५० कित्ता शेयर पाएका छन् ।

आरबीबी मर्चेन्ट बैंकिङका अनुसार सो आईपिओमा २७ हजार ७ सय ४८ जनाले १० कित्ता शेयरको लागि आवेदन दिएका थिए । उनीहरुले १० कित्ता नै शेयर पाएका छन् । १५ हजार ५ सय ९० जनाले २० कित्ता नै शेयरका लागि आवेदन भरेकोमा सबैको शेयर पाएका छन् । त्यस्तै, १२ हजार ७ सय २३ जनाले ३० कित्ता नै शेयरका लागि आवेदन भरेका थिए । ति आवेदकलाई समेत पुरै रकमको शेयर दिइएको छ । त्यस्तै, ४० कित्ता मात्रैका लागि आवेदन दिएका २० हजार ९ सय २९ जनाले पुरैको शेयर पाएका छन् । ५० देखि १० हजार कित्तासम्मको लागि आवेदन दिनेमध्ये गोलाप्रथा मार्फत ७७ हजार २ सय ४५ जनाले थप १० कित्ता शेयर पाएका छन् ।

आईपिओको काम सम्पन्न भए लगत्तै नेपाल पुनर्बीमा कम्पनीको चुक्ता पुँजि १० अर्ब पुगेको छ ।

कूल तीन लाख ९१ हजार ६२६ जनाले आवेदन दिएकोमा ९८८ जनाको आवेदन रद्द गरिएको छ । शेयर नपरेका लगानीकर्ताको बैंकमा रोक्का रहेको रकम फुकुवा गर्ने तयारी सुरु हुनेछ ।

सम्बन्धित समाचार

प्रतिक्रिया दिनुहोस्