लकडाउन खुलेसँगै नेपाल पुनर्बीमा कम्पनीको शेयर कारोबार गर्न पाइने, सूचिकरणको प्रयास तीव्र

काठमाडौं । नेपाल पुनर्बीमा कम्पनीको एक अर्ब ६० करोडको शेयर सूचिकरणको तयारी तीव्र पारेको छ । लकडाउन खुलेसँगै शेयर कारोबार गर्न मिल्ने गरी द्रूत गतिमा शेयर सूचिकरण सम्बन्धी काम भइरहेको पुनर्बीमा कम्पनीले जनाएको छ ।

नेपाल पुनर्बीमा कम्पनीका सिईओ शंकर रायमाझीले भने, ‘लकडाउन सकिएर पुँजि बजार खुल्दा नेपाल पुनर्बीमा कम्पनीको शेयर कारोबार गर्न सकिने गरी काम गरिहेका छौं ।’ सिईओ रायमाझीका अनुसार सबै निकायबाट लकडाउनकै अवधीमा काम सम्पन्न भएमा लकडाउन खुल्दासम्म शेयर कारोबार गर्न पाउने गरी सूचिकरणको प्रयास भइरहेको छ । उनले भने, ‘कुनै कारणबाट कुनै निकायबाट रोकिएको अवस्थामा बाहेक लकडाउनपछि बजार खुल्दा पुनर्बीमा कम्पनीको शेयर कारोबार गर्न पाइनेछ ।’

नेपाल पुनर्बीमा कम्पनीले गत चैत्र ४ देखि ७ गतेसम्म आवेदन मागेर एक करोड ६० लाख कित्ता प्राथमिक शेयर वितरण गरेको थियो । सो शेयर छिट्टै नेपाल स्टक एक्सचेन्जमा सूचिकरण हुने कम्पनीले जनाएको हो ।

सम्बन्धित समाचार

प्रतिक्रिया दिनुहोस्