आगामी वर्ष स्वास्थ्य बीमा सरकारको उच्च प्राथमिकतामा

काठमाडौं । सरकारले आगामी वर्ष स्वास्थ्य बीमालाई उच्च प्राथमिकता राखेर अघि बढाउने भएको छ । संसदमा आगामी वर्षको बजेट तर्जुमा गर्दा अपनाइने सिद्धान्त सम्बन्धी प्रस्ताव गर्दै अर्थमन्त्री डा. युवराज खतिवडाले कोरोना भाइरसको महामारी जस्ता अन्य महामारीबाट जनताको जीऊ धनको सुरक्षाको लागि आगामी आर्थिक वर्ष २०७७।०७८ मा स्वास्थ्य बीमालाई प्रभावकारी अघि बढाउने सिद्धान्तको आधारमा बजेट तर्जुमा गर्ने प्रस्ताव गरेका छन् ।

त्यस्तै, बीमा तथा पुँजि बजारको दीगो विकासको लागि संस्थागत सुधार गरेर अघि बढ्ने अर्थमन्त्री डा. खतिवडाले जनाएका छन् । नेपाल सरकारले स्वास्थ्य बीमा बोर्ड अन्तर्गत देशका विभिन्न जिल्लाहरुमा स्वास्थ्य बीमा लागू गरेको छ ।

सम्बन्धित समाचार

प्रतिक्रिया दिनुहोस्